Kateqoriya Arxivləri: Məktəb xəbərləri

Mənalı keçən ömür yolu

 65 illik həyatında fədakar bir müəllim ömrü yaşayan Qiymət Həsən qızı Həsənova 1947-ci ildə anadan olmuşdur. O, 1969-cu ildə ADPU-nun mexanika -riyaziyyat fakultəsini bitirib İcevan rayonunun Salah kəndində fizika-riyaziyyat müəllimi kimi fəaliyyətə başlamışdır. 1971-ci ildə ailə həyatı ilə əlaqədar olaraq taleyini Sumqayıt şəhəri ilə bağlayan Qiymət Həsənova 1971-1973-cü illərdə “Neftkimya” ETLİ-nin 5 saylı laboratoriyasında mühəndis işləmişdir. 1973-1984-cü illər ərzndə əvvəlcə 13 saylı, sonra isə 22 saylı məktəblərdə müəllimlik etmişdir. 1984-cü ildən 31 saylı tam orta məktəbdə riyaziyyat müəllimi kimi fəaliyyətə başlayan Qiymət müəllimə pedaqoji kollektiv arasında böyük nüfuz və hörmət qazanmışdır. Məktəbin ziyalı, müdrik qadınlarından biri olan bu xanımı hamı sevir, ona rəğbət bəsləyir. Ömrünün kamillik çağını yaşayan Qiymət müəllimənin şagirdlərinə olan sevgisi onların da qəlbində müəllimlərinə qarşı sonsuz  məhəbbət oyatmışdır. O, zəngin ziyalı ömründə gənc müəllimlərə də qayğı ilə yanaşmış, çətin müəllim sənətinin bir çox incəliklərini sevə -sevə onlara öyrətmişdir. Cəmiyyətdəki bu xüsusi mövqeyi ilə yanaşı Qiymət müəllimənin həm də gözəl ailəsi var. Həyat yoldaşı Şamil müəllim qayğıkeş, həssas bir direktor, gözəl ürəkli bir insan kimi xatirələrdə qalıb. Qiymət müəllim zəhməti və nümunəvi tərbiyəsi nəticəsində 4 öladı vətənə, cəmiyyətə layiqli insanlar kimi yetişdirib. Gözəl gəlinləri və nəvələri də bu övladların cərgəsinə qoşulub. 31 saylı məktəbin bütün kollektivi Qiymət Həsənovanı anadan olmasının 65 illik yubileyi münasibətilə təbrik edir, ona cansağlığı, ailə xoşbəxtliyi arzulayır. Qoy onun həyatında yaşanan sevincli anları çox olsun!!!
Məktəbin pedaqoji kollektivi adından direktor Xanım Əhmədova 

Xocalı faciəsi

Bu slaydşou üçün JavaScript lazımdır.

1992-ci il fevralın 26-da xalqımızın öz taleyinin ən ağır və acılı anlarından birini yaşadı. Həmin gün qədim Azərbaycan şəhəri-Xocalı erməni hərbi birləşmələri tərəfindən yer üzündən silindi. Heç bir zərurət olmadan yüzlərlə dinc sakin tarixdə analoqu olmayan işgənclərlə öldürüldü, meyitlər təhqir olundu. Uşaqlar, qadınlar, qocalar, bütöv ailələr məh edildi: XX əsrin sonunda təkcə Azərbaycan xalqına qarşı deyil, bütöv insanlığa qarşıən ağır cinayətlərdən biri baş verdi.

Elə bil dünən idi. Yağı düşmən qəfil yaxalamışdı bizi. N edəcəyimizi haradan başlayacağımızı bilmirdik. O çaşqın, yerin-göyün nalə çəkib ağladığı, fəryad qopardığı o gecedən neçə illər keçdi. Amma yaralar açıq qaldı, qaysaqanmadı, tük ürpədən qəmli bir himnə çevrildi Xocalı!

Gör nə vaxtdan donub qalmış havada,

Görünməyən səsdir, ündür Xocalı

Su altinda yoxa çıxmış bir ada,

Saz üstündə qırıq simdir Xocalı.

Bəli, Xocalı deyəndə ürəklər od tutub yanır, gözlər qanlı yaş tökür. Xocalı deyəndə qəlblərdə intiqam hissi alovlanır, dillər qisas deyib haray çəkir. Dünyaya sığmayan ən ağır dərdimizdir Xocalı. Bəşər tarixində belə bir faciə görünməyib. Yox, bu müsibəti unutmağa haqqımız yoxdur. Xocalı deyəndə ağlamaq, sızlamaq yox, ayağa qalxmalıyıq, düşmənlərdən intiqam almalıyıq.

Vç sinif şagirdlərinin keçirdiyi bu hüzn gecesi Xocalı şəhidlərinin ruhuna ithaf olunur.

“1 şagirdə : 1 kompüter” layihəsi məktəbimizdə

Bu slaydşou üçün JavaScript lazımdır.

“1 şagird : 1 kompüter” layihəsi Azərbaycanda 2008-ci ildən Intel World Ahead (“Gələcəyin dünyası buradan başlanır”) proqramı çərçivəsində həyata keçirilir. 2010-cu ilədək İntel Azərbaycan məktəblərinə 400-ə yaxın İntel Classmate PC (şagird netbuku) hədiyyə etmişdir. 2011-ci ilin sonunadək isə daha 600 netbukun verilməsi nəzərdə tutulmuşdur. İntel şirkəti tərəfindən işlənib hazırlanmış Classmate PC – məktəblilər üçün nəzərdə tutulmuş sərfəli qiymətli, davamlı, mobil təlim qurğusudur.

2011-ci ildən məktəbimiz bu layihəyə qoşulmuş və 5-ci sinif şagirdlərinin hər birinə  Classmate PC (şagird netbuku) təqdim edilmişdir.

“2008-2012-ci illərdə təhsil sisteminin informasiyalaşdırılması üzrə Dövlət Proqramı”nın reallaşdırılmasında Təhsil Nazirliyinin əsas tərəfdaşlarından biri olan “Mədəd” humanitar təşkilatı bu tədris ilindən yeni layihəyə start verib.  Beləki, hal-hazırda məktəbimizdə  5-ci sinifdə tədris edən müəllimlərə “1 şagirdə : 1 kompüter” layihəsi üzrə təlim kursları keçirilir. Təlim kursu 48 saat olmaqla 12 gün keçirilir.

MÜSTƏQİLLİK GÜNÜ

Bu slaydşou üçün JavaScript lazımdır.


İlk öncə hamını salamlayıram. Ümid edirəm ki, siz bizim bu məktəb blokumuza girdiyiniz zaman dərslərinizi də oxuyursunuz. Yeni məlumat öyrənmək lazımdır, amma siz kitablarınızdan daha çox məlumat ala bilərsiniz. Nə isə mövzumuz bu deyil.  Mən sizə məktəbimizdə 24 oktyabr tarixində keçirilən möhtəşəm tədbir haqqında danışmaq istəyirəm.

Azərbaycanın Müstəqilliyinə həsr olunmuş bu tədbir çox möhtəşəm idi. Bu tədbirə 3 oğlanın əllərində Azərbaycanın üçrəngli bayrağını tutaraq zala daxil olmaları ilə başladıq. Zalda olan hər kəs Azərbaycan Respublikasının dövlət himnini oxudu. Və bununla da tədbir başlandı. Sonra Xanım müəllimə zalda əyləşən hər kəsi Müstəqilliyimiz günü münasibətilə təbrik etdi. Daha sonra öz arzu və istəklərini də bildirdi. Oxumağa davam et

MÜƏLLİMLƏR GÜNÜ


Məncə ən şərəfli sənət müəllim sənətidir. Çünki bu günümüzün həkimini, polisini, vəkilini, kompyuter mühəndisini, memarını hətta, müəlliminni belə müəllim yetişdirir. Əgər müəllim olmasa bu sadalanaların hec biri olmaz. Günlər keçir, illər illərə calanır, insan çox şeyi unudur. Lakin heç zaman ilk müəllim yaddan çıxmır, xatirədən silinmir. Axı insana elm qapısının açarını ilk müəllim təqdim edir, onu əsrarəngiz bir dünya ilə müəllim qovuşdurur.

Azərbaycan Respublikasında 5 oktyabr tarixi ənənəvi bir gün kimi qeyd olunur. Bu gün müəllimlər günüdür. Əziz və zəhmətkeş müəllimlər, sizi 5 oktyabr- müəllimlər günü münasibəti ilə təbrik edirəm. Sizlərə dərin təşəkkürümü bildirirəm ki, biz şagirdlərə elm, bilik, savad, tərbiyə verirsiniz. Ə əsasi da ki, vətənə layiqli övlad olmağı öyrədirsiniz. Mən Zeyd, Şəkər, Solmaz Nailə, Ülviyə, Ədilə, Kəmalə, Cəlalət, Məlik, Nazilə, Gülbahar, Elnarə və başqa müəllim və müəllimələri səmimi qəlbdən təbrik edirəm və biz şagirdlərə çəkdikləri əziyyətlərə görə təşəkkürlər deyirəm. Tək mən yox, 31 saylı məktəbin bütün şagirdləri təbrik edir və dərin təşəkkürlərini bildirirlər. Yaxşı ki, siz müəllimlər varsınız!

Mənim müəllimim.

İlk dəfə lövhədə yazı yazanda,

İlk dəfə dəftərə qara salanda,

Hansısa bir dərsi anlamayanda,

Gəlib başa saldı mənim müəlliməm.

Bəzən savad verdi, bəzən tərbiyə,

Bəzən ana oldu, bəzən müəllimə,

Hansısa misalı səhv həll edədə,

Gəlib başa saldı mənim müəlliməm.

 

Bizlərə deyərdi Balam, oxuyun,

Vətənə layiqli övladlar olun,

Çalışın oxuyun savad topluyun,

Bizlərə deyərdi mənim müəlliməm.

Sumqayıt tarix muzeyində “açıq qapı” günü!

Bu slaydşou üçün JavaScript lazımdır.

Artıq ikinci ildir ki, sinif rəhbərimiz Nailə müəllimə bizi Sumqayıt şəhər Tarix muzeyinə aparır. Biz muzeydə şəhərimiz haqqında maraqlı məlumatlar əldə etdik. Öyrəndik ki, ilk evlər Corat qəsəbəsində yerləşmib və onlar taxta baraklar olub. Şəhərdəki bir çox binaların inşaatında II Dünya müharibəsində əsir düşmüş 30-minə yaxın alman əsgərlərinin böyük zəhməti olmuşdur.

Eksponatlardan ən çox məni maraqlandıran qədim dövrlərdə işlənmiş kağız, mis və metel pullar oldu. Bələdçilərimiz Əmirova Sevinc xanım və elmi işçi Zeynalov Nabil gördüyümüz hər bir eksponatlar haqqında bizə ətraflı məlumat verdilər. Paleotologiyaya aid daşlaşmış heyvanların sümüklərinin görmək, dəfələrlə yanınıdan keçdiyimiz yaraşıqlı binaların yaranma tarixini öyrənmək mənə öz şəhərimi daha çox sevməyi və qorumağı öyrətdi.

“ NARKOMANİYAYA QARŞI MÜBARİZƏ – NARKOMANİYAYA YOX DEYƏK!”

Bu slaydşou üçün JavaScript lazımdır.

 

XIX  əsrin ən fəlakətli xəstəliklərindən biri də narkomaniyadır. İllər boyu insanlar bu xəstəliyə qarşı mübarizə aparırlar.Bizim məktəbdə də  hər il bu məsələ barədə çoxlu inşa müsabiqələri keçirilir.

Bu gün də 8, 9, 10, 11-ci sinif şagirdlərini “NARKOMANİYAYA QARŞI MÜBARİZƏ, NARKOMANİYAYA YOX DEYƏK!” başlığı altında keçirilən tədbirə çağırmışdılar. Tədbirə bəzi qonaqlarda dəvət edilmişdi. Qonaqlarımız icra hakimi- Eldar Əzizov, təhsil şöbəsi işçisi-Gülbahar Haqverdiyeva, polis idarəsi işçisi – Zahid Ağayev və Doktor Kamil idi. Oxumağa davam et